aloitussivu_opiskelua_elo15.jpg

Lappi allaoahpahat – riikkaidgaskasaš dieđa- ja dáiddauniversiteahtta

Lappi allaoahpahat (universiteahtta) lea Euohpá Uniovnna davimus allaoahpahat, mas leat sullii 5 000 stuđeantta. Allaoahpahat lea Roavvenjárgga gávpoga guovddášbáikki lahkosis ođđaáigásaš kampusguovllus.

Lappi allaoahpahat lea dieđa- ja dáiddauniversiteahtta, man skuvlen- ja dutkamušsuorggit leat bajásgeassindiehtagat, turisma ja fitnodatdoaibman, juridihkka, dáiddaindustriija , servodatdiehtagat ja velá davvi- ja arktalaš guovlluid gažaldagat.

Lappi allaoahpahagas lea vejolaš čađahit máŋga iešguđetlágan lohkama. Árbevirolaš váldo- ja siidoávdnasiid lassin sáhtát guovtti jagis čađahit dutkosa magisttarprográmmas. Magisttarprográmmaide lea sierra sisabeassanválljen ja daidda sáhtát ohcat juos dus juo lea vuolit allaskuvladutkkus dahje sullasaš máhttu.

Dus lea maiddái vejolašvuohta válljet máŋgga eŋgalsgiel oahpu gaskkas allaoahpahaga buot skuvlensurggiin. Sáhtát vel laktit studeantalonohallama dahje hárjehallama olgoriikkain dahje Suomas iežat ohppui.
 

Sámegiela oahput

Min allaoahpahagas sáhttá lohkat sámegiela 25 oahppočuoggá veardde. Vuođđooahput leat vuosttas sajis oaivvilduvvon eatnigielagiidda ja daidda, geat hálddašit sámegiela eatnigiela láhkái. Oahput addet gelbbolašvuođa bargat luohkkáoahpaheaddjin sámegielat luohkás. Stuđeanttat, geaid eatnigiella ii leat sámegiella, sáhttet nannet iežaset gielladáiddu čađahemiin sámegiela kurssaid, maid giellaguovddáš ordne.

Allaoahpahatoahppu sámeguovllus

Vuođđooahpahus ovddiduvvo dáidda- ja servodatdiehtaga dieđagottiid koordineren Davvi –nammasaš skuvlenprográmmas (210 oč) ovttasbarggus Sámi oahpahusguovddážiin. Oahppoprográmma oahpahusplánenbarggus leat vástidan bajábealde máinnašuvvon dieđagottit ovttasbarggus Oulu allaoahpahaga Giellagas-instituhtain.

Rabas allaoahpahaga DAVVI oahput leat oaivvilduvvon sámeguovllu nuoraide ja rávesolbmuidege. Oahppu lea rabas Lappi allaoahpahaga rabas universiteahta ohppiide. Oahpu lagasoahpahus ordnejuvvo Anáris ja dasa lassin oahpahus fállojuvvo virtuálaluohkás.

Bajásgeassindiehtagiid dieđagoddi ordne velá oahpaheddjiid vuođđo- ja dievasmahttinoahpu ovttasbarggus Oulu universitehtain.

Ohcan Lappi allaoahpahahkii

Lappi allaoahpahahkii ohccojovvo olles Supmii guoskevaš oktasaš ozus čujuhusas www.yliopistohaku.fi.

Váldoozuid ohcanáigi lea giđđat, sisabeassaniskosat leat miesse-geassemánus. Allaoahpahagaid oktasaš ohcan lea nohkan 3.4.2013, sierraválljemiid ohcanáigi lei 8.4.-2.5.2013. Ohcui ja ohcanskoviide guoskevaš gažaldagaide vástida Ohcan- ja oahppanbálvalus, epoasta hakijapalvelut(at)ulapland.fi, tel. 040 485 6583.