Máŋggadieđalaš oktasašbargu, mii manná rájiid rastá

Lappi universiteahta dutkamuš lea mihtilmas, dynamalaš, ovdagáttuid haga ja máŋggadieđalaš. Dutkamuš manná diehtagiid , dieđagottiid ja diehtaga ja dáidaga rájiid rastá. Dutkamušain ovttastuvvet dieđa ja praktihkalašvuohta, dieđa ja innovašuvnnaid ovddideapmi ja ođđa dutkamušsuorggit ja dáidagat.

Dutkanbarggus deattuhuvvojit arktalaš ja davviguovllut guovlun, oaidninčuokkisin ja sierranas gažaldahkan. Arktalaš guvlui ja davviguvlui čatnašuvvi dutkamuš dahkkojuvvo buot dieđagottiin ja erenoamážit Arktalaš guovddážis, mas lea riikkasis ja riikkaidgaskasaš doaibma dahje funkšuvdna arktalaš guovlluid dutkamušas ja dieđiheames.

Min nubbi riikkaidgaskasaš mihtilmasvuohta lea turismma máŋggadieđalaš dutkamuš, mas vástida Turismasuorggi dutkan- ja skuvleninstituhtta. Turismma vuođđodutkamuša bálddas ovddiduvvo mearrediđolaččat dakkár heiveheaddji dutkamuš, mii bálvala dán guovllu ja turismma geavada vuhtiiváldima.

Máŋggadieđalaš dutkanovttasbargu dahkkojuvvo ovdagáttuid haga badjel dieđa- ja dáiddasurggiid erenoamážit min dutkamuša váldosurggiin, makkárin leat bálvalanhábmen, davi buresbirgen ja rievdi bargu ja suvdilis ovdáneapmi, vuoigatvuohta ja vuoiggalašvuohta.