Fátmmasteaddji pedagogihkka Árktalaš diliin- neahttaoahppu álgá giđđalohkanbajis – Almmuheapmi rabas!

Oahppoovttadagas studeantta čiekŋuda iežas ipmárdusa skuvlejumi hástalusain ja vejolašvuođain Árktalaš guovllus. Oahpus vuodjut erenoamážit fátmmasteaddji pedagogihkkii, diversitehttii ja sámiide álgoálbmogin. Oahppoovttadaga čađaheami maŋŋá studeantta máhttá heivehit fátmmasteaddji pedagogihka dutkandieđuid. Studeanta oahppa analyseret heterogena oahppijoavkkuid oahpaheapmái laktáseaddji vejolašvuođaid ja dustet hástalusaid. Lassin, studeanta čiekŋuda sámesisdoaluide dego koloniserema váikkuhusaide skuvlejumis ja giellaealáskahttimii.

10 oahppočuoggá ollisvuohta sisttisdoallá golbma modula:

1. Educational Challenges in the Arctic – Education for all (5 ECTS)
2. Inclusive Education and Pedagogy (2,5 ECTS)
3. Sámi Presence in Educational Settings (2,5 ECTS)

Studeanta sáhttá ieš válljet galle modula son studere. Oahput lágiduvvojit giđđalohkanbajis 18.1.-31.5.2021. Dárkilit áigetávval Áigetávval gávdno neahttasiiddus.Eaŋgalasgielat oahput fállet studeanttaide áidnalunddot vejolašvuođa studeret riikkaidgaskasaš birrasis. Oahppoovttadat lágiduvvo ovttasbarggus čuovvovaš Arctic Five-universiteahtain: Lappi universiteahtta, Oulu universiteahtta, Ubmi universiteahtta, UiT- Norgga árktalaš universiteahtta ja Luleju universiteahtta. Oahppoovttadat lea rabas buot ovttasbargouniversiteahtaid studeanttaide. Oahpu áigge fállojit studeanttaide lonohallanvejolašvuođat. Prográmma ruhtada Nordplus Higher Education Programme.

Lassedieđut: www.ulapland.fi/ArcticInclusiveEducation

Studeanta sáhttá láktit dán oahppoovttadaga iežas válljenoahpuide dahjege buhtet dainna sierra sohppojuvvon oahpuid. Almmuheapmi lea dál jođus Weboodis.

Lassedieđut

Várredekána, universiteahtalektor
Outi Kyrö-Ämmälä
Pedagogalaš dieđagoddi
outi.kyro-ammala(at)ulapland.fi
Puh. +358 40 5293 493

Sámegiela ja kultuvrra universiteahtalektor
Erika Sarivaara
Pedagogalaš dieđagoddi
erika.sarivaara(at)ulapland.fi
Puh. + 358 40 4844 250