Govvakoarttat golmma sámegillii - dorjot kultuvrralaččat responsiiva oahpahusa

Ovdamearkkat govvakoarttain davvisámegillii. Gurutbeale govvakoartta vehkiin ságastallat kultuvrraid birra jiekŋavárregova vehkiin – makkár oinnolaš ja oaidnemeahttun oasit kultuvrii gullet? Olgešbeale gova vehkiin hárjehallat seavvagiela.

Lappi universitehta Bajásgeassindiehtagiid dieđagottis leat buvttaduvvon doaimmalaš sámegielat govvakoarttat kultuvrralaččat responsiiva oahpahusa doarjjan. Govvakoarttat leat oažžumis golmma sámegillii, davvisáme-, anáraš ja nuortalašgillii. Doaimmalaš govvakoarttat almmuhuvvojedje jagi 2020 sámegielaid vahkus ovttasbarggus Dived-fitnuin.

Govvakoarttat buvttaduvvojedje oassin Oahpahusráđđehusa ruhtadan Kulturdiđolaš materiálat oassin skuvlla árgga ja geavadiid (Kutimat)- fitnu. Fitnu oaiveulbmilin lea ovddidit kulturdiđolaš oahpaheaddjevuođa, oahpaheaddjeskuvlejumi ja doaibmakultuvrra ja lasihit oasálašvuođa ja ovttaveardásašvuođa servodagas.

Kutimat-fidnui gullet Kumo-oassefitnu Lappi universitehta Bajásgeassindiehtagiid dieđagotti áššedovdit pedagogihka doavttir, doseanta Pigga Keskitalo, pedagogihka doavttir Merja Paksuniemi, pedagogihka doavttir Minna Körkkö ja pedagogihka doavttir Erika Sarivaara.

Koarttat buvttaduvvojedje ovttasbarggus Oahpahus- ja kulturministeriija ruhtadan DivED-fitnuin. DivED-fitnu ulbmilin lea giella- ja kulturdiđolaš doaibmakultuvrra ja máhttima ovddideapmi oahpaheaddjeskuvlejumis ja vuođđooahpahusa ja logahatskuvlejumi oahpaheaddjiid gaskkas.

Oahpásmuva govvakoarttaide:

Govvakoarttat davvisámegillii
Govvakoartat suomagillii

Lassedieđut:

Pigga Keskitalo
pigga.keskitalo(at)ulapland.fi

Merja Paksuniemi
merja.paksuniemi(at)ulapland.fi

Minna Körkkö
minna.korkko(at)ulapland.fi

Loga lasi fitnuid birra:

Kumo-fitnu siiddut
Kutimat-fitnu siiddut
Dived-fitnu siiddut