Lappi universiteahtta ovdanbuktá: Podcast-ráidu “Sámegiella otne”
Podcast-ráidu gullá sámegielaid vahku fálaldagaide. Beassat gullat maid áššedovdit ja giellaberošteaddjit dadjet sámegielaid dilis otne. Podcast-ráidui gullá golbma oasi. Vuosttaš oassi almmuhuvvo sámegielaid vahkus golggotmánus.
Gaskavahku 21.10.2020 boahtá olggos podcast-ráiddu vuosttaš oassi. Dán oasis sámegielaid dilis ságastallá professor Janne Saarikivi Helsset universitehtas sáhkavuorus ’Unnitlogugielaid mearkkašupmi ja ceavzin dalá máilmmis’. Saarikivi lea dovddus finnougristihka dutki ja aktiivvalaš servodatságastalli. Liŋkka vuosttaš oasi Podcastii.
Janne Saarikivi
Nubbi oasis ságastalla filosofiija doavttir, dutki Annika Pasanen Helsset universitehtas. Son lea bargan anárašgiela ealáskahttimiin guhká. Nubbi oassi almmuhuvvo skábmamánus 18.11.2020.
Annika Pasanen
Goalmmát oasis juovlamánus 16.12.2020 ságastallin lea universitehtalektor Inger Ánne Gaup Norgga árktalaš universitehtas Álaheaju doaibmabáikkis. Gaup lea ee. lágidan giellaealáskahttinkurssaid rávesolbmuide.
Inger Ánne Gaup
Ságastallamiid láidesteaba Lappi universitehta bajásgeassindiehtagiid dieđagotti sámegiela ja kultuvra universitehtalektor Erika Sarivaara ja doseanta, dutki Pigga Keskitalo. Sarivaara bargá oahpaheaddjeskuvlejumi oahpahusáššiiguin ja su dutkanfáttát leat guoskkahan viidát sámegiela sajádaga ja ealáskahttima. Keskitalo bargá Suoma akatemiija ruhtadan riikkaidgaskasaš dutkanfitnus mas ovddidivvo mánáid doaibmivuohta ja jietna oahpahusas ja Suoma dáhpáhusdutkamuš vuodju sámegiela gáiddusoahpahusa ovddideapmái.
 
Erika Sarivaara ja Pigga Keskitalo
Lassedieđut:
Erika Sarivaara
Saamen kielen ja kulttuurin yliopistonlehtori
erika.sarivaara(at)ulapland.fi
|