NordForsk ruhtada dutkamuša sámi demokráhtalaš oassálastimis energianuppástusa oktavuođas
Professor Rauna Kuokkanen dutkanprošeakta lea ožžon mearkkašahtti ruhtadeami NordForskis. Prošeavttas dutkat sámiid oassálastinvejolašvuođaid energiasirdášumis.
NordForsk ruhtada iežas Ruoná Sirdašupmi -prográmmas dutkanprošeavtta Sámi democratic engagement in the energy transition: advancing justice, legitimacy and participatory governance. Prošeavtta ruhtadeapmi lea 15 miljovnna Norgga ruvnnu.
Dutkamuš čielggada mo sámit sáhttet buorebut oassálastit mearrádusaide ja proseassaide, mat gusket energianuppástussii mii lea jođus Davviriikkain. Dutkan guorahallá maiddái energianuppástusa legitimitehta sámiid perspektiivvas ja čielggada strategiijaid, mat ovddidit sámiid demokráhtalaš oassálastima.
– Prošeakta gieđahallá sámiid demokratiija váilli, mii lea leamaš vuohttimis Davviriikkain luondduresurssaid ávkkástallama ja láhkaásaheami ektui, dadjá professor Rauna Kuokkanen.
Prošeavtta ovttasbargoguoimmit leat Kaisa Raitio (Sveriges lantbruksuniversitet) ja Andrei Marin (Norges miljø- og biovitenskapelige universitet).
Lassidieđut
Rauna Kuokkanen, etunimi.sukunimi@ulapland.fi, p. 040 484 4350
|