Ođđa girji gieđahallá sáme skuvlejumi ja -bajásgeassima dutkama
Girji Girjjohallat girjáivuođa – Embracing Diversity: Sami Education Theory, Practice and Research guorahallá sámepedagogihka, sámegielat oahpahusa ja sámegielaid oahpahusa dutkama. Lassin ovdanbuktojuvvo maoriid skuvlendili váldorávnjjit eamiálbmoskuvlejumi ovddideami ja dutkama oaidninčiegas.
Sámeskuvlemiin
ja oahpahusain leat guokte ulbmila. Vuosttaš ulbmilin lea buoredit
sámemánáid ja -nuoraid oahppandiliid ja doarjut sámegielaid ja
sámekultuvrra. Nubbin ulbmilin lea buvttadit dieđuid sápmelašvuođas
buohkaide oassin almmolaš čuvgehusa ulbmiliid.
Oahpaheaddjiin
ja oshpaheaddjeskuvlejeaddjiin lea guovddáš rolla goappáge ulbmila
ollašuhttimis. Danin davviriikalaš oahpaheaddjeskuvlejeaddjit
kártejedje, mii lea sámeskuvlejumi ja dutkama dálá dilli ja makkár
ovddidandárbbut gávdnojit.
Bargui oassálasre dutkit ja áššedovdit
Lappi universitehtas, Ubmi universitehtas, Norgga árktalaš
universitehtas UiT:s, Sámi allaskuvllas, Davvi universitehtas ja Sámi
arkiivvas.
Girjjohallat girjáivuođa – Embracing Diversity: Saami Education Theory, Practice and Research girji addá ollislaš gova miehtá sámi sámepedagogihka, sámegielat oahpahusa ja sámegielaid oahpahusa dutkamis.
–
Girji buktá ovdan dan, ahte skuvlejumis lea fápmu, mii váikkuha
ovttaskas olbmuide ja servožiidda. Ollislaš gova oažžuma dihtii lea
dehálaš, ahte sáhttit lasihit ipmárdusa áitojuvvon gielain ja
eamiálbmogiid kulturárbbi mearkkašumis, muitala Lappi universitehta
bajásgeasindiehtagiid professor Pigga Keskitalo.
Lappi
universitehta bajásgeassindiehtagiid professor Tuija Turunen deattuha-,
ahte sáme- ja eamiálbmot áššiid fertešii oažžut čielgasebbot
oahpaheaddjeskuvlejuni oahppoplánaide.
– Almmolaš skuvlejumi
ollašuhttin gáibida ekologalaš ceavzilvuođa. Ovdamearkan ceavzilis
ovdáneapmi ja dálkkádatrievdan leat gažaldagat, maidda eamiálbmogiid
árbevirolaš máhtus livččii olu buktit, cealká Turunen.
Geahčastat boahttevuhtii vássánáiggi dovddastemiin
Girjji sisdoaluin barge golmma bargobájis. Bargu vuođđuduvai bajásgeassindiehtagiid doavttir Rauna Rahko-Ravantti mállii, mas vássánáigge dáhpáhusat, dálá dilit ja skuvlejumi boahttevuođa ovddidandárbbut ovdanbuktojuvvojit.
Bargobájiin
guorahalle skuvlejumi historjjá ja otná beaivve diliid, oahpahusa
árvvošteami ja olahusaid ja sámeoahpahusa, eamiálbmogiid árbevirolaš
máhtu ja sámegielaid oahpahusa dutkama vugiid.
Girjji vuosttaš
oassi manná čađa teorehtalaš vuolggasajiid ja ovdanbuktá filosofalaš,
historjjálaš ja metodologalaš oaidninčiegaid. Čállit suokkardallet
sámebajásgeassima dálá dili, doahpagiid, dutkandoaimma ja dutkanetihka.
Lassin guorahallo eamiálbmogiid skuvlejupmi globála dásis.
Girjji
nubbi oassi ovdanbuktá sámeskuvlejupmi iešguđet vuolggasajiid njealji
riikkas: Suomas, Ruotas, Norggas ja Ruoššas. Dasa lassin guorahallojuvvo
Sámi guovlluid iešguđet oahpahusa ja ovddidandárbbut.
Hoalmmát oasis čállit ovdanbuktet áigeguovdilis dutkanfáttáid ja ođđaseamos dutkanbohtosiid.
Dieđut girjjis
Girji
dahkkui oassin Indigenous Pedagogy in Teacher Education -fitnu jagiin
2020–2022. Fitnu ruhtadii Suoma Akatemiija hâlddašan Joint Committee for
Nordic Research Councils in the Humanities and Social Sciences
(NOS-HS). Fitnu jođihii professor Tuija Turunen. Professor Pigga
Keskitalo lei girjji váldodosimmaheaddji.
Pigga Keskitalo,
Torjer Andreas Olsen, Anna-Lill Drugge, and Rauna Rahko-Ravantti
(doaimm.): Girjjohallat girjáivuođa - Embracing Diversity (2025). Sami
Education Theory, Practice and Research Series: New Research - New
Voices, Vol. 12. ISBN: 978-90-04-71482-3 (garra bearbma), ISBN:
978-90-04-71484-7 (e-girji).
Elektrovnnalaš publikašuvnna bistevaš čujuhus: https://brill.com/display/title/62941
Lassedieđut
Pigga Keskitalo
Lappi universiteahtta, bajásgeassindiehtagiid dieđagoddi
pigga.keskitalo(at)ulapland.fi
+358 40 484 4153
|