Oanehaš sámi filmmat Lappi universitehtas álbmotbeaivve
Sámit ávvudit álbmotbeaivve guovvamánu 6. beaivve. Dan gudnin čájehit sápmelaš oanehašfilmmaid Lappi universitehtas Esko- ja Asko sáles diibmu 14 rájes.
Filmmaid čájeheapmi lea lágiduvvon Lappi universitehta sámedutkama ja Skábmagovat filbmafestivála ovttasbargun. Skábmagovat filbmafestivála lágiduvvui dán jagi 20. geardde ja danin leage dát filbmafestiválii ávvujahki. Máŋggat filmmat mat dál čájehuvvojit, ledje máilmmi dahje Suoma vuosttaseahkedis festiválain mat ordejuvvojedje Anáris ođđajagimánu loahpas. Dál leage áidnalunddot dilálašvuohta oaidnit filmmaid Roavvenjárggas. Filmmat leat sámegielagat ja tekstejuvvon eŋgelasgillii, baicce okta, mii lea tekstejuvvon suomagillii. Filmmaid maŋŋá Lappi universitehta fállá káfe ja gáhkku sále olggobealde. Buohkat leat bures boahtán dilálašvuhtii. BURES BOAHTIN!
Esko- ja Asko sále olggobealde lea oaidnin láhkai maiddái čájáhus Lappi allaskuvla (maŋŋelabbos Lappi universitehta) vuosttas sámegiela lektorin nammaduvvon Leif Rantala (1947-2015) eallinbarggus. Rantala álggahii barggus jagis 1984 ja doaimmai das gitta bázii ealáhahkii jagis 2010. Leif Rantala bođii dovddusin eandaliige Guoládaga sámiid kultuvrra áššedovdin. Čájáhus lea oassi Leif Rantala gudnin ordnejuvvon ustitvuođaseminára, mii lei mannán čavčča Anáris Sámemusea Siidda ja Sámearkiivva ovttasbargun.
Buori sámiid álbmotbeaivve!
|