Online bargobádji "The achievements, advancement and recognition of Sámi education" – Almmuheapmi lea dál rabas!
Áigeguovdilis sámi oahpahusa gažaldagat fáddán onlinebargobájis, mii dollo 15-16 cuoŋománus. Prográmma lea almmuhuvvon ja registreren lea dál rabas.
Onlinebargobádji "Árran (heart, fireplace) - The achievements, advancement and recognition of Sámi education" dollo 15-16.2021 eŋgelasgillii. Vuosttaš beaivi bargobájis dollo 9.00-14.30 (UTC +3), ja nubbi beaivi 9.00-11.45 (UTC +3).
Bargobáji prográmma
Bargobájis ságastallo sámeoahpahusa áigeguovdilis áššiin ja beassat gullat sáhkavuoruid, oanehis ovdanbuktimiid, panela ja rabas ságastallama. Vuosttaš beaivvi álggaha pedagogihka doavttir Rauna Rahko-Ravantti. Son ovdanbuktá sámeoahpahusa analyhtalaš rámma mii vuođđuduvvá su nákkosgirjji váldobohtosiidda sámeoahpaheaddjiid vásáhusain iežaset skuvlabarggus. Dutki Hanna Helander ovdanbuktá geavatlaš beliid Suoma sámeoahpahusa dilis ja makkár beliiguin sámeoahpahusa gáiddusoahpahusprojeakta lea bargan. Dasa lassin son ovdanbuktá ADVOST-dutkanprojeavtta bohtosiid. Dutkamuš lea vudjon sámegiela gáiddusoahpahusa ovdánahttimii. Beaivi joatkašuvvá áššedovdiid oanahaš ovdanbuktimiiguin ja ságastallamiin man jođiha pedagogihka doavttir, doseanta Erika Sarivaara. Loahpas professor Rauna Kuokkanen jođiha rabas ságastallama man ulbmilin lea kártet sámeoahpahusa dutkandárbbuid. Nuppi beaivve filosofiija doavttir Inker-Anni Linkola-Aikio hállá arkiivvaid vejolašvuođain doaibmat dutkanovttasbarggus ja mo arkiivagálduid sáhtášii pedagogalaš dutkamiin ávkkástallat. Professor Huia Jahnke Ođđa-Selánddas ovdanbuktá maorioahpahusdiliid ja dutkama fuomášumiid. Nubbi beaivi loahpahuvvo rabas ságastallamii mii leat joatkka vuosttaš beaivvi ságastallamii.
Bargobáji lágida Indigenous Pedagogy in Teacher Education (IPED) projeakta ja dan ruhtada NOS-HS bargobádjeruhtadeapmi Suoma Akatemiijas. Bargobáji lágida Lappi universiteahtta. Dát bargobádji lea nubbi oassi golmmaoasát bargobájiin. Loga eanet vuosttaš bargobájis dás, mii dollui skábmamánus 2020 (Read more about the first workshop).
Olles prográmma, rávvagat hálliide ja dieđut gávdnojit bargobáji neahttasiiddus (workshop website).
Janette Peltokorpi, prošeaktahoavda
janette.peltokorpi(at)ulapland.fi
+358 40 484 4485
Pigga Keskitalo, prošeaktamiellahttu
pigga.keskitalo(at)ulapland.fi
tel. +358 40 4844153
|