Riikkaidgaskasaš nammagilvu lea válljen Sámi kulturárbearkiivva ohcanbálvalussii nama
Sámi arkiivamateriálaid beassá farga dutkat ođđa digitála ohcanbálvalusa bokte. Digital Access to the Sámi Archives -prošeakta (InterregNord) lea ovdánahttán ohcanbálvalusa ja almmolaš nammagilvvus bálvalusa namman lea válljejuvvon Nuohtti. Namma válljejuvvui riikkaidgaskasaš nammagilvvu bokte, mas álbmot beasai addit evttohusaid. Gilvvu organiserii Norgga Sámi arkiiva. Gilvu lei oaivvilduvvon erenoamážit sápmelaččaide iešguđetge riikkain.
Ohcanbálvalusa namma Nuohtti mearkkaša guhkes fierpmi, mas leat gávvalat badjin ja buttut vuollin. Dat leat adnon guliid bivdimii coages čázis. Nuohtti symbolisere ja lea buorre veardádusgovva min digitála bálvalussii, mii čohkke arkiivamateriálaid iešguđetge muitoorganisašuvnnain ja buorida juvssahahttivuođa dan geavaheaddjiide.
Nuohtti lea digitála áiggi bálvalus, mainna beassá dutkat ovtta neahttačujuhusa bokte eará Eurohpá guovlluin gávdnojeaddji álgoálggolaš materiálaid sápmelaččain ja sámi kultuvrras, mat leat jo digiterejuvvon. Bálvalus addá dieđuid maiddái sámi materiálain, mat eai leat vel digiterejuvvon.
Digital Access to the Sámi Heritage Archives lea davviriikkalaš prošeakta ja ruhtaduvvon InterregNord (2018 - 2021) bokte. Prošeavttas leat kárten sámi kulturárbearkiivvaid iešguđetge Eurohpá muitoorganisašuvnnain. Oktiibuot 59 eurohpálaš organisašuvnna leat almmuhan, ahte sin čoakkáldagain leat sámi arkiivvat. Badjel 40 organisašuvnna muitalit, ahte leat álgán bidjat sámi arkiivvaid digitála hápmái. Ohcanbálvalus lea loahppagieđahallanmuttus.
Prošeavtta njunušdutki lea prof. Jonna Häkkilä Lappi universiteahtas.
Ovttasbargoguoimmit leat Sámi arkiiva (Anár), Sámi arkiiva (Guovdageaidnu), Oulu universiteahtta ja Ubmi universiteahtta.
Prošeavtta ruovttusiiddut:
https://digisamiarchives.com
Lassedieđut anárašgillii:
Suvi King, sámi arkiivvadikšu, Sámi arkiiva/Kansallisarkisto
suvi.king@arkisto.fi, 050-3375603
Lassedieđut suomagillii ja eaŋgalasgillii:
Professor Jonna Häkkilä, prošeavtta njunušdutki, Lappi universiteahtta
jonna.hakkila@ulapland.fi, 040-4844203
Maija Mäkikalli, prošeaktahoavda, Sámi arkiiva/Kansallisarkisto
maija.makikalli@arkisto.fi, 046-9237162
|