Sámiid álbmotbeaivahkku ávvuduvvo Lappi universitehtas sápmelaš oanehisfilmmaiguin
Sámiid álbmotbeaivahku gudnin Lappi universitehtas čájehuvvojit golbma ođđa sápmelaš oanehisfilmma bearjadaga 9. guovvamánu dii 14 rájes Esko- ja Asko -sáles. Dáhpáhus lea buohkaide rabas ja nuvttá – buresboahtin!
Ealligovat čájehuvvojit ovttasbarggus Lappi universitehta servodatdiehtagiid dieđagotti SuMu-dutkamušservošiin ja Skábmagovat eamiálbmogiid ealligovvafestiválain.
Ealligovat leat sámegiellagat ja dekstejuvvon eaŋgasgillii. Ealligovaid maŋŋá Lappi universitehta fállá gáhkkogáfiid logaldallansále ovddas.
Dáhpáhus bistá oktan gáfestallamiin sullii 90 minuhta.
Ealligovat
Ruoktojohka
Guollebivdu lea leamašan agibeaivve oassin sápmelaš kultuvrras ja identitehtas Ohcejogas. Go ođđa guolástanláhka gilddii bivdima ruoktojogas, sápmelaččat čájehedje vuostehágu bivdimiin lobi haga ja almmuhemiin dasto iežaset eiseváldiide. Lei šaddan áigi mihtidit vuođđolágalaš vuoigatvuođaid.
Bagadalli: Kati Eriksen (sápmelaš), Scott Thornton
Ahkerádjá: S
Guhkkodat: 26 min
Giella: davvisámegiella
Deksten: eaŋgasgiella
Almmustahttinjahki: 2023
Riika: Sápmi/Suopma
Whispers of Reindeer Milk
Molssaevttolaš Sámi universumas diđolašvuohta kolonialismmas lea sihkastuvvon eret. Mátki eatnama váibmui lea gelddolaš ja meditatiivvalaš.
Bagadallit: Mihkkal Hætta (sápmelaš), Ándaras Leonardsen (sápmelaš)
Giehtačállit: Mihkkal Hætta (sápmelaš), Ándaras Leonardsen (sápmelaš)
Buvttadeaddjit: Mihkkal Hætta (sápmelaš), Ándaras Leonardsen (sápmelaš)
Ahkerádjá: S
Guhkkodat: 18 min
Almmustahttinjahki: 2023
Riika: Sápmi/Norga
ÁHKUIN
Visuálalaš ja musihkalaš ráhkisvuođareive bagadalli vádjolan áhkkui Niillasaš-Jovnna Máretii, gean riegádeamis lea aiddo gollan čuođi jagi. Arkiivajearahallamat ja áhku luohti jođihit ovttastahtti suotnan áiggi čađa, ja melankolalaš muhto leaikás muitalus fállá oahpahusa ođđa áigodahkii, man meroštallet addin ja fidnen.
Bagadallit: RadioJus Sunná / Sunná Nousuniemi (sápmelaš), Guhtur Niillas Rita Duomis / Tuomas Kumpulainen (sápmelaš)
Buvttadeaddjit: Taylor Hensel, Adam Mazo, Kavita Pillay, Tracy Rector
Ahkerádjá: S
Guhkkodat: 20 min
Giella: davvisámegiella
Deksten: eaŋgasgiella
Almmustahttinjahki: 2024
Riika: Sápmi/Suopma
|