Sápmelaččat girkus -fidnu galleda Lappi universitehta
Sämmiliih kirhoost – Sä'mmla ceerkvest – Sápmelaččat girkus – Saamelaiset kirkossa -fitnu prošeaktakordináhtor, báhppa Mari Valjakka galleda Lappi universitehta 4.12. Valjakka muitala fitnu birra rabas ságastallandilálašvuođas.
Sara Kangas-Korhonen / Suoma evangelalaš-luteralaš-girku.
Suoma evangelalaš-luteralaš-girku lea jo jagiid ovddidan sápmelaččaid sihke sámegielaid ja kultuvrra sajádaga. Jagiin 2023–24 dát bargu joatkašuvvá Sämmiliih kirhoost – Sä'mmla ceerkvest – Sápmelaččat girkus – Saamelaiset kirkossa -fitnus.
Fidnu lea oassi sápmelaččat ja girku gaskasaš duohtavuođa- ja seanadanproseassa.
– Guhkit áigge ulbmilin lea geahpedit ruossalasvuođaid sápmelaččaid ja girku gaskkas, muitala fitnu prošeaktakordináhtor, nuortalaš Mari Valjakka.
Fitnu háliida lasihit ipmárdusa sápmelaččaid ja girku oktasaš historjjá birra ja doarjut sápmelaččaid vuoiŋŋalaš eallima.
Valjakka lea fitnu áigge virgelobis sámebáhpa barggus. Su bargosadji lea Anáris, muhto fitnu áigge son johtá birra Sámi ja Suoma. Guhkes bargomátkkiid áigge son ovttasbargá iešguđet servošiiguin. Dát doaibmanvuohki stivre fitnu doaimmaid.
– Lea dehálaš, ahte sápmelaččaid áššit ja oaivilat bohtet oidnosii sin iežaset ruoktosearvegottiin miehtá Suoma. Danin háliidit deaivat olbmuid sihke sámiid ruovttuguovllus ja dan olggobealde.
– Háliidit fállat ovttaskas olbmuide ja servožiidda dorvvolaš saji, vai sáhtášii ságastallat ráfis girku, oskku ja iešguđet oaidninvugiid birra.
Valjakka galledeapmi Lappi universitehtas lea vuosttaš geardi go fidnu olaha allaoahpahusa. Galledeamis leat fárus maiddái oahppolágádusa báhppa Jan Pohjonen ja Roavvenjárgga searvegotti girkohearrá Ilari Kinnunen.
Mari Valjakka.
Eahkedis 4.12. diibmu 18 Mari Valjakka jođiha Roavvenjárgga girkus sámegielat Čábbámus juovlalávlagat -dilálašvuođa.
Dieđut dáhpáhusa birra:
Sämmiliih kirhoost – Sä'mmla ceerkvest – Sápmelaččat girkus – Saamelaiset kirkossa -fitnu káfestallandilálašvuohta
Báiki ja áigi: Restoráŋŋa Felli kabinehtta, Lappi universiteahtta (Yliopistonkatu 8, Roavvenjárga) 4.12.2023 diibmu 14.
Lassedieđut:
Prošeaktakordináhtor Mari Valjakka
mari.valjakka(at)evl.fi
040 1833460
Oahppolágádusa báhppa Jan Pohjonen
jan.pohjonen(at)evl.fi
040 186 0223
Uutinen suomeksi
|