Sámiid álbmotbeaivahkku ávvuduvvo Lappi universitehtas sápmelaš oanehisfilmmaiguin
Sámiid álbmotbeaivahku gudnin Lappi universitehtas čájehuvvojit golbma ođđa sápmelaš oanehisfilmma duorastaga 6. guovvamánu dii 14 rájes Esko ja Asko -sáles. Dáhpáhus lea buohkaide rabas ja nuvttá – buresboahtin!
Luossafanas, 2024
Ealligovat čájehuvvojit ovttasbarggus Lappi universitehta servodatdiehtagiid dieđagotti SuMu-dutkamušservošiin ja Skábmagovat eamiálbmogiid ealligovvafestiválain.
Ealligovat leat sámegillii ja dain lea teaksta eaŋgasgillii. Ealligovaid maŋŋá Lappi universitehta fállá gáhkkogáfiid logaldallansále olggobealde.
Dáhpáhus bistá oktan gáfestallamiin sullii 70 minuhta.
Álbmotbeaivvi ealligovat leat:
Luossafanas
Guhkes ja seakkáhámat deanufanas vuođđuduvvo lohkameahttun sohkabuolvvaid geavadagain geahččaluvvon searvvušlaš diehtui Deanus ja doppe johtimis. Luossafatnasis, dan hámis ja materiálain, lea mielde searvvuš fatnasa geavahankultuvran. Dokumeantas Jouni Laiti duddjo árbevirolaš fatnasa, mii váldojuvvo oassin Lappi universitehta dáiddačoakkáldaga.
Bagadalli: Jarno Valkonen & Mikko Äijälä
Ahkerádji: S
Guhkkodat: 11 min
Giella: Davvisámegiella
Teksten: Eaŋgalašgiella
Almmuhanjahki: 2024
Sápmi
Buođđu / Lohipato
Deanu johkasámi árbevirolaš luossabuođđu symbolisere olbmuid ja ekosystemaid gaskasaš symbiosaarkitektuvrra, mas leat čiekŋalis oktavuođat maid našunála dási politihkkáriid, globála ovdduid ja dynamihka nuppástusaid gaskkas. Arkiteaktan bagadalli lea beroštuvvan maid buođuid árkatiipalaš hámis, mas leat guoskkahančuokkát eará báikkiide ja eamiálbmogiidda máilmmeviidát.
Bagadalli: Eveliina Sarapää
Ahkerádji: S
Guhkkodat: 11 min
Giella: Eaŋgalašgiella
Teksten: Eaŋgalašgiella
Almmuhanjahki: 2024
Sápmi
Sámi Čalbmeláset
Dievdu gávdná gávpoga gáhta alde čalbmelásaid. Go son coggá daid ala, son gávdná iežas aibbas eará sajis.
Bagadalli: Eila Marie Engkvist Muotka
Dahkkit: Ariel Victoria Mørch Wian Lyder, Eila Marie Engkvist Muotka, Jonar Guttorm, Kátjá Rávdná Broch Einebakken, Májjá Angelica Johannesdatter Guttorm, Máret Risten Graven Romsdal
Ahkerádji: S
Guhkkodat: 3 min
Giella: Davvisámegiella
Teksten: English
Almmuhanjahki: 2024
Sápmi
Muorra
Muorra lea oanehašfilbma, mii doalvu geahčči mátkái miehtá Sámi, gos eatnama, dan fámu ja olbmo gaskkas lea ain oktavuohta. Dat oktavuohta sáhttá leat diktásut, go maid mii govahallat.
Bagadalli: Mihkkal Hætta
Ahkerádji: S
Guhkkodat: 22 min
Almmuhanjahki: 2024
Sápmi
|