Kasvatustieteiden tiedekunnan uutiset
 

IPED bargobáji fáddán eamiálbmogiid ja sámi skuvlenáššit

25.11.2020

UiT-Norgga árktalaš universitehta lei ovddasvástádusas “Indigenizing Education: Historical Perspectives and Present Challenges in Sámi Education“ nammasaš bargobájis, mii dollui neahtas 16.-17.11. Bargobáji jođihii professor Torjer Olsen. Seminára gulai Indigenous Pedagogy in Teacher Education IPED” golmma bargobáji vuosttaš ollisvuhtii.

IPED projeavtta bargobájiid ulbmiliin lea ságastallat sámiid skuvlenáššiid erenomáš sárgosiin. Vuosttaš bargobádji vuojui sápmelaččaid skuvlenhistorjái ja dálá skuvlema hástalusaide. Skuvlenhistorjjá boađusin lea šaddan iešguđetge vugiin čađahuvvon assimileren. Eamiálbmogiid skuvlejumi dehálaš ulbmilin lea čoavdit assimilerema árbbi.

Bargobáji vuosttaš beaivve Norgga sámedikkis Ol-Johán Sikku hálai sámi skuvlenáššiin sáhkavuorustis “The current situation and future prospects of Sámi education”. Sikku deattuhii oahpaheaddjeskuvlejumi ja dutkama dehálašvuođa ovddidettiin eamiálbmogiid skuvlendiliid. Čuovvovažžat doseanta Pigga Keskitalo, universiteahttadutki Lappi universitehtas gieđahalai sámiid skuvlenhistorjjá sárgosiid njealji riikkas: “Sámi Education Across Borders: Some Historical Lines”. 

Vuosttaš beaivi joatkašuvain iešguđet riikkaid dálá geavadiid presenteremiiguin. Professor Else Grete Broderstad (UiT – Norgga árktalaš universitehtas) ovdanbuvttii Norgga dili, PhD, dutki Ekaterina Zmyvalova (Ubmi universitehtas) muitalii Ruošša sámeoahpahusa dilis, PhD, vuosttašamanuensa Rauni Äärelä-Vihriälä (Sámi allaskuvla) Suoma dili ja PhD, universiteahttalektor Hanna Outakoski(Ubmi universitehtas) hálai Ruoŧa sámeoahpahusa sajádagas. Ovdanbuktimat bokte ságastallama riikaerohusain.

Bargobáji nuppi beaivvi álggahii professor Hilde Sollid (UiT-Norgga árktalaš universitehtas) fáttás “Sámi language education policy and citizenship in Sámi curricula”. Sollid veardádalai Norgga sámegiela oahppoplánaid jagi 1974 rájes gitta otnážii.  Nubbin professor Torjer Olsen ovdanbuvttii dáhpáhusdutkamuša, man fáddán lei oahpaheaddjiid bargu iešguđetlágan diliin Norgga sámegiela hálddašanguovllu skuvllain: “Not good enough for everyone’ – Finding space for Sámi education in a diverse Sámi community.”

Beaivvi maŋimuš sáhkavuoru doalai PhD Kristina Belancic (Ubmi universitehtas) sámemánáid giellaguottuin dilis go mánáid jietna sáhttá báhcit oaidnemeahttumin oahpahusa stivrejeaddji áššegirjjiin: “Sámi children’s language beliefs and practices as implicit language policy”.

Nubbi bargobádji dollo Lappi universitehtas Bajásgeassindiehtagiid dieđagottis 15.-16.4.2021 fáttás "Development of Sámi education and its appreciation".

Bargobájiid ruhtada The joint committee for Nordic research councils in the humanities and social sciences (NOS-HS), Suoma akatemiija hálddašemiin. Projeaktaáigodat lea 1/2020-12/2021.

IPED projeaktapartnerat leat Pigga Keskitalo (Lappi universiteahtta), Tuija Turunen (Lappi universiteahtta), Rauni Äärelä-Vihriälä (Sámi allaskuvla), Inker-Anni Linkola-Aikio (Sámi arkiiva), Torjer Olsen (UiT-Norgga árktalaš universiteahtta), Jorunn Eikjok(Gáisá jođiheaddji), Hanna-Máret Outakoski (Ubmi universiteahtta), Rauna Rahko-Ravantti(Sámi  allaskuvla).

 

Lassedieđut vuosttaš bargobájis:
Torjer Olsen                                                                  
Professor                                                                      
UiT-Norgga árktalaš universiteahtta                        
torjer.olsen@uit.no

Tuija Turunen
Professor, IPED projeavtta hoavda
Lappi universiteahtta                                         
t
uija.turunen@ulapland.fi 

 Projeavtta ruoktosiidu: www.ulapland.fi/uatn/iped